Хэвлэлийн бага хурал зохион байгууллаа.

Нийтэлсэн: 2018 он 04 сар 13. 17 цаг 29 минут
2018 оны 3 дугаар сарын аймгийн нийгэм, эдийн засгийн байдлын танилцуулгыг төр, захиргааны удирдлага болон хэрэглэгчдэд танилцуулах үүднээс презентаци бэлтгэн аймгийн “Саян” болон "Дербес" телевизүүдтэй хамтран хэвлэлийн бага хурлыг хийлээ. Хэвлэлийн бага хурлыг хэлтсийн дарга Н.Ерлан 2018 оны 04 дүгээр сарын 13-ны өдрийн 15:00 цагт зохион байгуулсан ба мөн өдөр хэвлэл мэдээллийн төлөөлөл болох "Саян" "НАЗ" телевизүүдэд сарын танилцуулгын талаар ярилцлага өглөө.
Дэлгэрэнгүй

Баян-Өлгий аймгийн нийгэм эдийн засгийн байдлын 2018 оны 03 сарын танилцуулга гарлаа.

Нийтэлсэн: 2018 он 04 сар 12. 10 цаг 09 минут
3-р сарын байдлаар 695 эх амаржиж, амьд төрөлт 700 болж өнгөрсөн оны мөн үеийнхээс 5 хүүхдээр нэмэгдсэн байна.Нялхсын эндэгдэл 21 болж, өнгөрсөн онтой харьцуулахад 7 хүүхдээр нэмэгдсэн байна.Халдварт өвчнөөр 79 хүн өвчилсөн нь өнгөрсөн оныхоос 8.2 хувиар буюу 7 хүнээр буурсан байна.1000 хүнд ногдох төрөлт 6.8, нас баралт 1.4, ердийн цэвэр өсөлт 5.4 болж, өмнөх оны мөн үеэс 1000 ногдох төрөлт 0.1 пунктээр, хүн амын ердийн цэвэр өсөлт 0.2 пунктээр тус тус буурч, нас баралт ижил түвшинд байна.Хөдөлмөр, халамж үйлчилгээний газарт бүртгүүлсэн ажилгүйчүүд 1063, түүний 57.0 хувийг 15-34 насны залуучууд, үүний 30.2 хувийг дээд боловсролтой залуучууд эзэлж байна.Цагдаагийн газрын мэдээгээр 110 гэмт хэрэг бүртгэгдсэн нь өнгөрсөн оны мөн үеийнхээс 27 хэрэг буюу 32.5 хувиар өссөн байна.Хэрэглээний бараа үйлчилгээний ерөнхий индекс 2018 оны 03 дугаар сарын байдлаар 2017 оны жилийн эцэстэй харьцуулахад 2.2 хувиар, 2017 оны мөн үетэй харьцуулахад 5.0 хувиар, суурь он буюу 2015 онтой харьцуулахад 8.2 хувиар тус тус өссөн байна.19045 толгой том мал хорогдсон нь өмнөх оны мөн үеийнхээс 9618 толгойгоор буюу 1.9 дахин өссөн байна.Оны эхний хээлтээгч малын 24.9 хувь төллөж төл бойжилт 24.4 хувьтай, 223166 толгой төл бойжиж байна.Төсвийн нийт орлогын төлөвлөгөө 114.0 хувиар, төвлөрсөн төсвийн татварын орлого 186.1 хувиар тус тус давж биелэгдсэн байна.Аж үйлдвэрийн салбар 5,5 тэрбум төгрөгийн бүтээгдэхүүн үйлдвэрлэсэн байна.Аймгийн монгол банкны салбарын мэдээгээр хугацаа хэтэрсэн зээл 4.3 тэрбум төгрөг байгаа нь өнгөрсөн оны мөн үетэй харьцуулахад 1.7 дахин өссөн байна, чанаргүй зээлийн хэмжээ 1.6 тэрбум төгрөг байна.
Дэлгэрэнгүй

"ХӨДӨЛМӨРИЙН ТУХАЙ ХУУЛЬ, ТӨРИЙН АЛБАНЫ ТУХАЙ ХУУЛИЙН ХЭРЭГЖИЛТ” СЭДВЭЭР ФОРУМ ЗОХИОН БАЙГУУЛАГДЛАА

Нийтэлсэн: 2018 он 04 сар 11. 17 цаг 08 минут
Баян-Өлгий аймгийн Эрүү, Иргэний хэргийн давж заалдах шатны шүүхийн санаачилгаар тус аймаг дахь Шүүхийн Тамгын газраас "Хөдөлмөрийн тухай хууль, Төрийн албаны тухай хуулийн хэрэгжилт: Шүүхийн практик, шүүхийн шийдвэрийн бодит биелэлт, ажилтан болон ажил олгогчийн хариуцлага”сэдэвт форумыг Ховд их сургуулийн Баян-Өлгий аймаг дахь салбар сургуульд 2018.04.09-ний өдөр зохион байгууллаа. Форумд төрийн захиргаа, үйлчилгээний байгууллагын удирдах албан тушаалтнууд, сэтгүүлч, хуульч, өмгөөлөгчид оролцсон бөгөөд статистикийн хэлтсийг тус хэлтсийн дарга Н.Ерлан төлөөлж оролцов. Уг форумыг зохион байгуулагчдаас Хөдөлмөрийн тухай, Төрийн албаны тухай хууль тогтоомжийн хэрэгжилтийг 2012-2017 оны шүүхийн практик судалгаанд үндэслэн танилцуулж, иргэдийн хөдөлмөрлөх эрхийг хангах үүднээс ажил олгогчийн шийдвэр, үйл ажиллагаа нь хууль дээдлэх зарчимд үндэслэгдэх, шүүхийн шийдвэрийн биелэлт, бодит биелэлт, үр нөлөөг шүүхийн статистик мэдээнд тулгуурлан танилцуулж, түүнчлэн ажил олгогчийн буруугаас ажилтан болон улс орон нутгийн төсөвт учруулсан хохирлыг нөхөн төлүүлэх хууль зүйн үндэслэлийн талаар, Хөдөлмөрийн тухай, Төрийн албаны тухай хуулийг зөрчсөн ажил олгогч эд хөрөнгийн /Иргэний хуулиар/, зөрчлийн /Зөрчлийн тухай хуулиар/, шүүхийн шийдвэрийг биелүүлэхээс зайлсхийсэн тохиолдолд эрүүгийн хариуцлага /Эрүүгийн хуулиар/ хүлээх хууль зүйн зохицуулалтыг тайлбарлаж, танилцууллаа.
Дэлгэрэнгүй

Аж ахуйн нэгж, байгууллагаас статистик мэдээлэл, судалгааг цахим хэлбэрээр авна

Нийтэлсэн: 2018 он 04 сар 11. 10 цаг 12 минут
Үндэсний статистикийн хороо нь Монгол Улсын Статистикийн тухай хуулийн дагуу нийгэм, эдийн засгийн албан ёсны статистикийн мэдээллийг эрхлэн гаргадаг. Тодруулбал, долоо хоног, сар, улирал, хагас жил, жилийн давтамжтайгаар өрх, аж ахуйн нэгж, байгууллагаас маягтаар цуглуулан авч, боловсруулж, тархаадаг билээ. Цаашдаа статистикийн мэдээг цаасан маягтаар бус цахим хэлбэрт шилжүүлэх зорилготой байгаа бөгөөд ирэх 4 дүгээр сарын 21-нд аж ахуйн нэгж, байгууллагаас энэ оны 1-р улирлын статистик мэдээг онлайнаар бөглүүлж авах вэб системийг нэвтрүүлэхээр ажиллаж байна. Одоогоор статистик мэдээллийг цахим хэлбэрээр өгөх аж ахуйн нэгж, байгууллагуудын санал авч байгаа бөгөөд ирэх 4 дүгээр сарын 10 хүртэл үргэлжилнэ. Цахимаар статистик мэдээлэл өгөх боломжтой аж ахуйн нэгж, байгууллагууд руу статистик мэдээллийг цахим хэлбэрээр өгөх веб системийн хаяг, нэвтрэх нэр, нууц үгийг олгох юм. Статистик мэдээллийг цахим хэлбэрээр цуглуулснаар статистикийн мэдээлэгч Та цаасан хэлбэрээр буюу маягтаар мэдээ тайланг бөглөж, аймаг, дүүрэг, нийслэлийн статистикийн хэлтэс, газарт биечлэн очиж өгөх шаардлагагүй болно. Ингэснээр бид мэдээллийн үнэн бодит байдлыг хангах, мэдээлэл цуглуулах цаг хугацаа, зардлыг хэмнэж, мэдээлэл цуглуулах энэ үе шатны ажлын ачааллыг бууруулах боломжтой.
Дэлгэрэнгүй

Үндэсний Статистикийн Хорооны дарга А.Ариунзаяа Статистикийн хэлтсийн хамт олонд Мэндчилгээ дэвшүүлэв.

Нийтэлсэн: 2018 он 03 сар 22. 14 цаг 51 минут
Үндэсний Статистикийн Хорооны дарга А.Ариунзаяа Казах түмний үндэсний уламжлалт "Наурыз" баярыг тохиолдуулан Баян-Өлгий аймгийн Статистикийн хэлтсийн хамт олонд баярын мэндчилээ дэвшүүлэв.
Дэлгэрэнгүй

МОНГОЛ УЛСЫН ЕРӨНХИЙ САЙД У.ХҮРЭЛСҮХЭЭР АХЛУУЛСАН АЖЛЫН ХЭСЭГ ӨНӨӨДӨР БАЯН-ӨЛГИЙ АЙМАГТ АЖИЛЛАЖ БАЙНА.

Нийтэлсэн: 2018 он 03 сар 21. 12 цаг 39 минут
Монгол Улсын Ерөнхий сайд У.Хүрэлсүхээр ахлуулсан aжлын хэсгийн бүрэлдэхүүнд ХХААХҮ-ийн сайд Б.Батзориг, БСШУС-ын сайд Ц.Цогзолмаа, Эрүүл мэндийн сайд Д.Сарангэрэл, Барилга хот байгуулалтын сайд Х.Баделхан, ЗГХЭГ-ын дэд дарга У.Бямбасүрэн, ХХААХҮ-ийн дэд сайд Ж.Сауле, Сангийн дэд сайд Х.Булгантуяа нар багтсан бөгөөд аймгийн удирдлагуудтай уулзалт хийж, аймгийн Нэгдсэн эмнэлэг болон цэцэрлэгүүдийн үйл ажиллагаатай газар дээр нь очиж танилцахаар боллоо. Үүний дараа үдээс хойш 14 цагаас эхлэн аймгийн хөгжимт драмын театрт иргэд хөдөлмөрчидтэй уулзалт хийж, санал бодлыг нь сонсон “Наурыз”-ын баярыг тохиолдуулан төрийн одон медалиар шагнагдсан аж үйлдвэр, хууль эрх зүй, эрүүл мэнд, эдийн засаг, мал аж ахуй, газар тариалангийн салбарт олон жил үр бүтээлтэй ажилласан хүмүүсийн шагналыг гардуулах ажээ.
Дэлгэрэнгүй

Баян-Өлгий аймгийн нийгэм эдийн засгийн байдлын 2018 оны 02 сарын танилцуулга гарлаа.

Нийтэлсэн: 2018 он 03 сар 16. 09 цаг 34 минут
2018 оны 2-р сард 441 эх амаржиж, амьд төрөлт 446 болж өнгөрсөн оны мөн үеийнхээс 9 хүүхдээр нэмэгдсэн байна.Нялхсын эндэгдэл 10 болж, өнгөрсөн онтой харьцуулахад 1 хүүхдээр нэмэгдсэн байна.1000 амьд төрөлтөд ногдох нялхсын эндэгдэл 22 байна.Халдварт өвчнөөр 56 хүн өвчилсөн нь өнгөрсөн оныхоос 7.3 хувиар буюу 4 хүнээр нэмэгдсэн, 1000 хүнд ногдох төрөлт 4.4, нас баралт 0.8, ердийн цэвэр өсөлт 3.5 болж, өмнөх оны мөн үеэс 1000 ногдох төрөлт ижил түвшинд, нас баралт 0.1 пунктээр буурсан, хүн амын ердийн цэвэр өсөлт 0.1 пунктээр нэмэгдсэн байна. Бүртгэлтэй ажилгүйчүүд 997 болж өнгөрсөн оны мөн үеэс 219 хүнээр буюу 18 хувиар буурсан байна.Цагдаагийн газрын мэдээгээр 56 гэмт хэрэг бүртгэгдсэн нь өнгөрсөн оны мөн үеийнхээс 2 хэрэг буюу 3.4 хувиар буурсан байна. Хэрэглээний бараа үйлчилгээний ерөнхий индекс 2018 оны 2 дугаар сард 2.3 хувьтай гарсан,15091 толгой том мал зүй бусаар хорогдсон нь өмнөх оны мөн үеийнхээс 8116 толгойгоор буюу 2.2 дахин өссөн байна.аж үйлдвэрийн нийт бүтээгдэхүүн үйлдвэрлэлт дамжуулан борлуулсан цахилгааныг оролцуулаад 4.2 тэрбум төгрөг болсон нь үйлдвэрлэлт өнгөрсөн оны мөн үетэй харьцуулахад 35.7 хувиар, борлуулалтын хэмжээ 30.5 хувиар тус тус өссөн байна.Төсвийн орлогын төлөвлөгөө 102.8 хувиар, төвлөрсөн төсвийн татварын орлого 147.6 хувиар тус тус давж биелэгдсэн.Хүн амын орлогын татвар 5.2 хувиар, хөрөнгийн албан татвар 25.6 хувиар, бусад татвар, төлбөр, хураамж 31.3 хувиар тус тус тасалдсан.Хугацаа хэтэрсэн зээл 4.2 тэрбум төгрөг байгаа нь өнгөрсөн оны мөн үетэй харьцуулахад 1.6 дахин өссөн байна, чанаргүй зээлийн хэмжээ 1.8 тэрбум төгрөг байгаа нь өнгөрсөн оны мөн үеийнхээс 7.5 хувиар багассан байна.
Дэлгэрэнгүй

Хэвлэлийн бага хурал зохион байгууллаа.

Нийтэлсэн: 2018 он 03 сар 15. 18 цаг 15 минут
Аймгийн эдийн засаг, нийгмийн хөгжлийн 2018 оны 2-р сарын дүнг танилцуулах хэвлэлийн бага хурлыг 3 дугаар сарын 13-ны өдрийн 13.30 цагаас Зохион байгуулж явууллаа. Хурлыг хэлтсийн мэргэжилтэн Ш.Манзелхан удирдан явуулж, Хөдөлмөр, халамж үйлчилгээний газар, Цагдаагийн газар, эрүүл мэнд, боловсролын салбарын ажилтнууд оролцлоо. Хуралд бэлтгэсэн перезентацийн дагуу аймгийн нийгэм, эдийн засгийн байдлын талаарх дэлгэрэнгүй мэдээлэл хийв.
Дэлгэрэнгүй

7 хоногийн үнийн мэдээ, Өлгий хотод
/2018 оны 6-р сарын  13-ны байдлаар/
Нэр төрөл Үнэ /төг/
Гурил, I зэрэг, кг 1026
Хонины мах, кг 8000
Үхрийн мах, кг 7266
Ямааны ястай мах, кг  
Элсэн чихэр, кг 2233
Цагаан будаа, кг 2500
Шингэн сүү, л 2433
Ноолуур, кг 96333
Бензин, А-80 1630
Бензин, А-92 1750
Дизелийн түлш 1800