Мал тооллогын урьдчилсан дүн

Нийтэлсэн: 2020 он 01 сар 02. 08 цаг 45 минут
Мал тооллогын урьдчилсан дүнгээр 2019 оны жилийн эцэст малын тоо 2 сая 190 мянга 683 толгойд хүрч, өмнөх оныхоос 23766 толгой буюу 1.1 хувиар өслөө. Урьдчилсан дүнгээр нийт мал сүргийн дотор § Хонь 45.4 хувь § Ямаа 42.5 хувь § Үхэр 7.2 хувь § Адуу 4.5 хувь § Тэмээ 0.3 хувийг тус тус эзэлж байна. Энэ оны мал тооллогын урьдчилсан дүнгээр Цэнгэл сум 312.6 мянган толгой мал тоолуулж тэргүүлсэн бол, Ногооннуур сум 241.8 мянган толгой, Дэлүүн сум 228.9 мянган толгой мал тоолуулжээ.
Дэлгэрэнгүй

Аймгийн нийгэм эдийн засгийн байдлын 2019 оны эхний 11 сарын танилцуулгыг хэрэглэгчдэд хүргэлээ.

Нийтэлсэн: 2019 он 12 сар 16. 03 цаг 12 минут
Аймгийн нийгэм, эдийн засгийн байдлын 2019 оны эхний 11 сарын танилцуулгыг хэрэглэгчдэд хэвлэлийн бага хурлаар Cтатистикийн хэлтсийн дарга Н.Ерлан 2019 оны 12 дугаар сарын 13-ны өдрийн 16:00 цагт орон нутгийн Дербес телевизүүдээр хэрэглэгчдэд хүргэлээ.
Дэлгэрэнгүй

Хүн ам, орон сууцны 2020 оны ээлжит тооллого болон 2019 оны жилийн эцсийн Мал, тэжээвэр амьтад, хашаа, худгийн тооллого"-ын талаар орон нутгийн телевизээр мэдээлэв.

Нийтэлсэн: 2019 он 12 сар 06. 13 цаг 14 минут
Хүн ам, орон сууцны 2020 оны ээлжит тооллогын тухай ерөнхий ойлголтыг товч бөгөөд тодорхой хүргэх, тооллогод ард иргэдийг идэвхтэй оролцуулж, уг ажлыг чанарын өндөр түвшинд зохион байгуулахад иргэдийн оролцоог чухалчлан үздэг тооллого болохыг Дербес телевизээр дамжуулан Үндэсний Статистикийн Хорооны Хүн ам, нийгмийн статистикийн газрын дарга А.Амарбал мэдээлэл хүргэлээ. Мөн аймгийн статистикийн хэлтсийн дарга Н.Ерлан 2019 оны жилийн эцсийн мал тооллого 12 дугаар сарын 07-ны өдөр эхлэх гэж байгаатай холбогдуулан тус тооллогод мал, тэжээвэр амьтдын тоогоо үнэн бодитойгоор тоолуулан улсын ажилд ард иргэдийг идэвхтэй оролцохыг уриалж, дэлгэрэнгүй мэдээллийг орон нутгийн телевизээр дамжуулан танилцуулав.
Дэлгэрэнгүй

ХҮН АМ, ОРОН СУУЦНЫ 2020 ОНЫ ЭЭЛЖИТ ТООЛЛОГЫН АЙМГИЙН КОМИССЫН ГИШҮҮД 2019 ОНЫ 12 ДУГААР САРЫН 04-НИЙ ӨДӨР ХУРАЛДЛАА.

Нийтэлсэн: 2019 он 12 сар 06. 13 цаг 00 минут
Хүн ам, орон сууцны 2020 оны ээлжит тооллогын аймгийн комиссын гишүүдийн 3 дахь удаагийн хурлыг Баян-Өлгий аймгийн Засаг дарга нээж, удирдан явуулав. Хүн ам, орон сууцны тооллогын улсын комиссын нарийн бичгийн дарга А.Амарбал хуралд оролцогчдод тооллогын бэлтгэл ажлын үеэр хийгдэх ажлууд, ерөнхий зохион байгуулалт үйл ажиллагааны талаар мэдээлэл хийв. Аймгийн тооллогын комиссын орлогч дарга, Статистикийн хэлтсийн дарга Н.Ерлан хүн ам, орон сууцны тооллогын бэлтгэл ажлын хүрээнд хийгдэж байгаа ажлуудыг танилцуулан тооллогын гол эх үүсвэр болох хүн ам, өрхийн мэдээллийн санг сайжруулах, үлдсэн 34 хоногийн дотор хийгдэх ажлын шуурхай төлөвлөгөөг боловсруулан комиссын даргаар батлуулах, мөн төлөвлөгөөний дагуу аймгийн комиссын гишүүд болон холбогдох ажилтнууд бусад байгууллагуудтай уялдаа холбоотой ажиллаж тооллогын ажлыг чанартай зохион байгуулж явуулах талаарх саналаа илэрхийлэв. Аймгийн тооллогын комиссын дарга А.Гылымхан ээлжит тооллогын ажлыг нэгдүгээрт тавьж, комиссын гишүүд уг ажилд хариуцлагатай хандан аймгийн хэмжээний ажилд хүн бүхэн чармайлтаар гарган ажиллахыг үүрэг болгов. Хүн ам, орон сууцны ээлжит тооллого 2020 оны 01 дүгээр сарын 09-ний өдрийн өглөөний 08:00 цагаас 2020 оны 01 дүгээр сарын 15-ны өдрийн оройн 22 цаг хүртэл нийт 7 хоног үргэлжилнэ.
Дэлгэрэнгүй

НИЙГМИЙН ҮЗҮҮЛЭЛТИЙН ТҮҮВЭР СУДАЛГААНЫ ҮР ДҮНГ ТАНИЛЦУУЛАХ СУРГАЛТ ЗОХИОН БАЙГУУЛЛАА.

Нийтэлсэн: 2019 он 12 сар 06. 12 цаг 50 минут
НИЙГМИЙН ҮЗҮҮЛЭЛТИЙН ТҮҮВЭР СУДАЛГААНЫ ҮР ДҮНГ ТАНИЛЦУУЛАХ СУРГАЛТ БОЛЛОО “Нийгмийн үзүүлэлтийн түүвэр судалгаа”-ны үр дүнг танилцуулах семинарыг Баян-Өлгий аймагт Үндэсний Статистикийн Хорооноос 2019 оны 12 дугаар сарын 04-ний өдөр зохион байгууллаа. Судалгааны үр дүнг ҮСХ-ны Хүн ам, нийгмийн статистикийн газрын дарга А.Амарбал, тус газрын статистикч С.Тодгэрэл, Т.Алтанцэцэг, НҮБ-ын Хүүхдийн сангийн Хяналт, үнэлгээний мэргэжилтэн Д.Хүрэлмаа нар танилцуулав. Семинарт Баян-Өлгий аймгийн Засаг дарга А.Гылымхан, Аймгийн Засаг даргын Тамгын газрын дарга Х.Тилеген, аймгийн ЗДТГ-ын газар, хэлтсийн мэргэжилтнүүд, сургууль, цэцэрлэг, өрхийн эмнэлэг, цагдаагийн байгууллагуудын төлөөлөл болох нийт 60 гаруй хүний бүрэлдэхүүн оролцов. Аймгийн хэмжээнд цаашид анхаарах асуудлуудыг нарийн танилцуулсан үр өгөөжтэй, чухал ач холбогдолтой сургалт болж өндөрлөө. Уг судалгаа нь улс, бүсийн үр дүнг илэрхийлэхүйц үр дүнг тооцдог. Харин 2018 онд зохион байгуулагдсан судалгаагаар зорилтод 6 аймаг, 2 дүүргийн хувьд үр дүнг тооцох бололцоотойгоор зохион байгуулснаараа онцлог болсон. Эдгээр зорилтот аймгийн нэг нь Баян-Өлгий байв.
Дэлгэрэнгүй

ХҮН АМ, ОРОН СУУЦНЫ 2020 ОНЫ ЭЭЛЖИТ ТООЛЛОГО БОЛОН 2019 ОНЫ ЖИЛИЙН ЭЦСИЙН МАЛ ТООЛЛОГЫН ТАЛААР ЧИГЛЭЛ ӨГӨХ, ТООЛЛОГЫГ ЧАНАРТАЙ ЗОХИОН БАЙГУУЛАХАД ЧИГЛЭСЭН СУРГАЛТЫГ 2019 ОНЫ 12 ДУГААР САРЫН 03-НЫ ӨДӨР ЗОХИОН БАЙГУУЛЛАА.

Нийтэлсэн: 2019 он 12 сар 06. 12 цаг 36 минут
Сумдын Статистикийн асуудал хариуцсан санхүү, төрийн сангийн мэргэжилтэн, сумдын тооллогын түр товчооны ажилтнууд болон аймгийн төвийн багийн Засаг дарга нарыг хамруулан хүн ам, орон сууцны 2020 оны ээлжит тооллого болон 2019 оны жилийн эцсийн мал тооллогын талаар чиглэл өгөх, тооллогыг чанартай явуулах чадвар олгох сургалтыг аймгийн төвд зохион байгууллаа. Сургалтыг Баян-Өлгий аймгийн Статистикийн хэлтсийн дарга Н.Ерлан нээж, “Хүн ам, орон сууцны 2020 оны Улсын тооллогын зохион байгуулалт, бэлтгэл ажил болон жилийн эцсийн мал тооллого явуулахад анхаарах асуудлын талаар” мэдээлэл хийв. Мөн “Хүн ам, орон сууцны тооллогын тухай ойлголт, үзүүлэлт, хүн ам, өрхийн мэдээллийн сангийн баяжилт, мэдээллийн чанарт анхаарах, нийгмийн зарим үзүүлэлтийн мэдээ тайлан гаргах заавар, зааварчилгааны талаар” ахлах мэргэжилтэн Х.Бахыт, “Мал, тэжээвэр амьтад, малын хашаа, худгийн тооллогын тухай ойлголт, асуулгын хуудас, үүнийг бөглөх арга аргачлал болон нэмэгдсэн үзүүлэлтүүдийн талаар” дэлгэрэнгүй мэдээллийг ХАА хариуцсан мэргэжилтэн Н.Манаргүл нар тус тус танилцуулав.
Дэлгэрэнгүй

Нийгэм, эдийн засгийн байдлын Инфографик мэдээлэл

Нийтэлсэн: 2019 он 11 сар 19. 01 цаг 54 минут
Аймгийн нийгэм, эдийн засгийн байдлын 10 дугаар сарын танилцуулгыг нийт хэрэглэгчдэд ойлгомжтой байдлаар танилцуулах үүднээс мэдээллийг арван хоёр хэлбэрээр гаргаж танилцуулж байна.Хүн амын төрөлт, халдварт өвчин, гэмт хэрэг, бүртгэлтэй ажилгүйчүүд, төсвийн орлого, банкны үзүүлэлтүүд, мал аж ахуй, газар тариалан, аж үйлдвэр, өргөн хэрэглээний бараа бүтээгдэхүүний үнийн өөрчлөлтийн өсөлт, бууралтыг тусган дүрслэж мэдээлэл бэлтгэв.
Дэлгэрэнгүй

Хэвлэлийн бага хурал зохион байгууллаа.

Нийтэлсэн: 2019 он 11 сар 15. 10 цаг 01 минут
Аймгийн эдийн засаг, нийгмийн хөгжлийн 2019 оны 10 дугаар сарын дүнг танилцуулахаар хэвлэлийн бага хурлыг 11 дүгээр сарын 14-ний өдрийн 10:30 цагт орон нутгийн Дербес телевизтэй хамтран зохион байгууллаа. Уг хэвлэлийн бага хурлаар бэлтгэсэн перезентацийн дагуу аймгийн эдийн засаг, нийгмийн хөгжилд гарч буй өөрчлөлтийн талаарх мэдээллээр хэлтсийн дарга дэлгэрэнгүй мэдээлэл хийлээ
Дэлгэрэнгүй

7 хоногийн үнийн мэдээ,  
 Өлгий хотод
/2020 оны 7-р сарын 08-ны байдлаар/
Нэр төрөл Үнэ /төг/  
Гурил, I зэрэг, кг 1053.3
Хонины ястай мах, кг 8000
Үхрийн ястай мах, кг 8750
Ямааны ястай мах, кг 7250
Элсэн чихэр, кг 2250
Цагаан будаа, кг 2600
Шингэн сүү, л 1350
Ноолуур, кг 46333.3
Бензин, А-80 1466.6
Бензин, А-92 1540
Дизелийн түлш 1793.3
Боодолтой өвс  

САРЫН ТАНИЛЦУУЛГА

ИНФОГРАФИК

ДИНАМИК СУДАЛГАА

МЭДЭЭ ТАЙЛАНГИЙН МАЯГТ
 

  ХӨДӨӨ АЖ АХУЙ

ХАӨМС

МАЛ ТООЛЛОГО