Баян-Өлгий аймгийн статистикийн эмхэтгэл

Нийтэлсэн: 2019 он 07 сар 24. 02 цаг 33 минут
Баян-Өлгий аймгийн 2018 оны статистикийн эмхэтгэл 15 бүлэг, 82 хуудастайгаар бэлтгэгдэж гарлаа.Эдийн засаг нийгмийн бүхий л салбарын сүүлийн 5 жилийн статистикийн тоон үзүүлэлтүүдээс бүрдсэн уг эмхэтгэлийг боловсруулж бэлтгэн, хянан тохиож хэрэглэгчдийн хэрэгцээнд нийлүүллээ.Энэ жилийн эмхэтгэлд Монгол Улсын Үндэсний статистикийн хороо, Дэлхийн Банктай хамтран ядуурлын 2018 оны тооцооны үр дүнгийн хүснэгтүүдийг нэмж оруулсан болно.Хүн амын хэрэглээ ядуурлын шугамаас хэдэн хувиар доогуур байгааг илэрхийлдэг ядуурлын гүнзгийрэлт 2018 онд 7.2 хувь болж, 2016 оныхоос 0.5 пунктээр буурсан бол ядуучуудын тэгш бус байдлын зэргийг хэмждэг ядуурлын мэдрэмж 2.7 хувь болж, 2016 оныхоос 0.2 пунктээр буурсан байна.Ядуурлын шугам нь нэг хүнд хоногт шаардлагатай 2100 калорийн илчлэг бүхий хүнсний бүтээгдэхүүн болон наад захын хүнсний бус бусад бараа, үйлчилгээг худалдан авахад шаардагдах зардал юм.2018 оны нэг хүнд сард ногдох ядуурлын шугам 166'580 төгрөг байна.
Дэлгэрэнгүй

Нийгэм, эдийн засгийн байдлын танилцуулга

Нийтэлсэн: 2019 он 07 сар 23. 02 цаг 41 минут
Эхний хагас жилийн байдлаар 1466 эх амаржиж, амьд төрөлт 1472 болж өнгөрсөн оны мөн үеийнхээс 7 хүүхдээр бага байна.Нялхсын эндэгдэл 34 болж, өнгөрсөн онтой харьцуулахад 4 нэмэгдсэн байна.1000 амьд төрөлтөд ногдох нялхсын эндэгдэл 23.1 байна.Амбулаториор давхардсан тоогоор 208.6 мянган хүнд үзлэг хийгдэж, 16162 хүн хэвтэн эмчлүүлсэн байна. Халдварт өвчнөөр 155 хүн өвчилсөн нь өнгөрсөн оныхоос 12.3 хувиар өссөн байна.1000 хүнд ногдох төрөлт 14.0, нас баралт 2.9, ердийн цэвэр өсөлт 11.2 болж, өмнөх оны мөн үеэс 1000 ногдох төрөлт 0.4 пунктээр буурч, нас баралт 0.4 пунктээр нэмэгдсэн байна.Өргөн хэрэглээний бараа үйлчилгээний ерөнхий индекс 2019 оны 6 дугаар сарын байдлаар 2018 оны жилийн эцэстэй харьцуулахад 3.7 хувиар, өнгөрсөн оны мөн үетэй харьцуулахад 6.4 хувиар, өмнөх сартай харьцуулахад 0.2 хувиар тус тус өссөн байна.808508 толгой хээлтэгч мал төллөж 767072 толгой төл бойжиж байна.Оны эхний хээлтэгч малын 88.4 хувь төллөж төл бойжилт 94.9 хувьтай байна.Төсвийн нийт орлогын төлөвлөгөө 112.6 хувиар, үүнээс төвлөрсөн төсвийн татварын орлого 111.1 хувиар, хүн амын орлого 108.4 хувиар, нийтлэг татварын бус орлого 2.3 дахин биелэгдэж, хөрөнгийн албан татвар 24.8 хувиар, бусад татвар, төлбөр хураамж 16.1 хувиар, газрын төлбөр 18.5 хувиар тус бүр тасалдсан байна.
Дэлгэрэнгүй

Хөдөлмөрийн статистик мэдээний цахим сургалт

Нийтэлсэн: 2019 он 06 сар 29. 10 цаг 18 минут
Хөдөлмөр нийгмийн хамгааллын яам болон Үндэсний статистикийн хороо хамтран Шинэ ажлын байр, хөдөлмөрийн зах зээлийн бусад захиргааны статистик мэдээллийн анхан шатны бүртгэл, хамрагдалтыг сайжруулах зорилгоор 21 аймаг, нийслэлийн 9 дүүргийн Статистикийн хэлтэс, ХХҮГ-ын хөдөлмөр эрхлэлтийн хэлтсийн дарга, мэргэжилтнүүдэд онлайн сургалтыг зохион байгууллаа.
Дэлгэрэнгүй

Төрийн албаны шинэчлэлийн талаар сургалт

Нийтэлсэн: 2019 он 06 сар 18. 12 цаг 54 минут
Төрийн албаны зөвлөлийн ажлын хэсэг Баян-Өлгий аймгийн нутгийн захиргааны байгууллагуудын дарга, ажилтан, албан хаагчдад зориулан 2019 оны 6 дугаар сарын 14-ний өдөр төрийн албаны шинэчлэлийн талаар буюу "төрийн албаны ерөнхий шалгалт өгөх болзол, журам", "Төрийн албаны тусгай шалгалт", "Төрийн жинхэнэ албан хаагчийн нөөц бүрдүүлэх журам", "Төрийн албан хаагчийн ёс зүйн хэм хэмжээ", "Сахилгын шийтгэл ногдуулах, түүнд гомдол гаргах эрх зүйн зохицуулалт", "Маргаан шийдвэрлэх журам, анхаарах асуудал" зэрэг сэдвүүдээр сургалт зохион байгуулав. Уг сургалтад нийт 150 гаруй албан хаагчид хамрагдсан ба хэлтсийн дарга оролцож, сонирхсон асуултад хариулт авав.
Дэлгэрэнгүй

Сумдын статистикийн асуудал хариуцсан албан хаагчдын сургалт

Нийтэлсэн: 2019 он 06 сар 18. 12 цаг 34 минут
Байшин орон сууцны тооллогын бэлтгэл ажил эхэлсэнтэй холбоотой сумдын төрийн сангийн мэргэжилтэн, багийн Засаг дарга нарт эхний ээлжийн сургалтыг 2018 оны 6 дугаар сарын 10-ны өдөр хийж, 2 дахь ээлжийн сургалтыг аймгийн төвийн санхүү төрийн сангийн төлөөлөгч, багийн Засаг дарга нарын хамт нийт 44 хүнийг оролцуулан 2019 оны 6 дугаар сарын 12-ны өдөр Засаг даргын тамгын газрын хурлын танхимд зохион байгууллаа. Уг сургалтад хэлтсийн дарга Хүн ам, орон сууцны тооллогын бэлтгэл ажлыг сайтар хангахын тулд байшин орон сууцны урьдчилсан бүртгэлийг хугацаанд хийж, хүн ам, өрхийн мэдээллийн санг сайжруулах, бусад байгууллагуудын холбогдох мэргэжилтнүүдтэй уялдаа холбоотой ажиллаж, мэдээллийн сангийн зөрүүг арилгахыг анхааруулав. Мөн хэлтсийн ахлах мэргэжилтэн байшин орон сууцны урьдчилсан бүртгэлийг хийх программ болох Collector for Arcgis-ыг компьютерт хэрхэн суулгах, программ дээр хэрхэн ажиллах талаар хичээл зааж, дадлага ажил хийлгэлээ.
Дэлгэрэнгүй

Хэвлэлийн бага хурал зохион байгууллаа.

Нийтэлсэн: 2019 он 06 сар 17. 11 цаг 16 минут
Статистикийн хэлтэс нь орон нутгийн "Дербес" телевизтэй хамтран тус аймгийн 2019 оны 5 дугаар сарын эдийн засаг, нийгмийн хөгжлийн дүнг танилцуулахаар 2019 оны 6 дугаар сарын 15-ны өдөр хэвлэлийн бага хурал зохион байгууллаа. Уг хуралд бэлтгэсэн перезентацийн дагуу аймгийн эдийн засаг, нийгмийн хөгжилд гарч буй өөрчлөлтийн талаар хэлтсийн дарга дэлгэрэнгүй мэдээлэл хийж, 5 дугаар сарын танилцуулгыг аймгийн удирдлагууд болон хэлтэс, агентлагуудад мэйлээр хүргүүлж, тархаан ажиллав. Мөн энэ тухай мэдээллийг хэлтсийн веб сайтад байршуулав.
Дэлгэрэнгүй

Нийгэм, эдийн засгийн байдлын танилцуулга

Нийтэлсэн: 2019 он 06 сар 14. 09 цаг 57 минут
2019 оны эхний 5 сарын байдлаар 1222 эх амаржиж, амьд төрөлт 1227 болж өнгөрсөн оны мөн үеийнхээс 7 хүүхдээр нэмэгдсэн байна.Нялхсын эндэгдэл 31 болж, өнгөрсөн онтой харьцуулахад 7 (29.2%)-оор нэмэгдсэн байна.1000 амьд төрөлтөд ногдох нялхсын эндэгдэл 25 байна.Амбулаториор давхардсан тоогоор 175.0 мянган хүнд үзлэг хийгдэж, 14157 хүн хэвтэн эмчлүүлсэн байна. Халдварт өвчнөөр 136 хүн өвчилсөн нь өнгөрсөн оныхоос 18 (15.3%)-аар өссөн байна.Халдварт өвчнөөр өвчлөгчдийн 23.5 хувийг заг хүйтэн, 17.0 хувийг тэмбүү, 9.6 хувийг трихомоноз ,14.7 хувийг сүрьеэ, 6.6 хувийг салхин цэцэг, 23.5 хувийг гепатит,1.5 хувийг тарваган тахал ,1.5 хувийг цусан суулга, 0.7 хувийг хачигт рикеттиоз, 0.7 хувийг нярайн үжил, 0.7 хувийг ёлом, өвчнөөр өвчлөгчид эзлэж байна. Хувийн хэвшлийн эмнэлгүүд 13350 хүнд 623.9 сая төгрөгний төлбөртэй үйлчилгээ үзүүлсэн байна.1000 хүнд ногдох төрөлт 9.2, нас баралт 2.5, ердийн цэвэр өсөлт 11.7 болж, өмнөх оны мөн үеэс 1000 ногдох төрөлт 0.2 пунктээр буурч, нас баралт 0.3 пунктээр нэмэгдсэн байна.Бүртгэлтэй ажилгүй иргэний тоо 5-р сарын байдлаар 1149 байгаа нь өнгөрсөн оны мөн үетэй харьцуулахад 105 хүнээр буюу 10.1 хувиар нэмэгдсэн байна.Нийт бүртгэлтэй ажилгүйчүүдийн 47.7 хувийг эмэгтэйчүүд эзэлж байна. Ажилгүй иргэдийн 55.9 хувийг 15-34 насны залуучууд, үүний 36.9 хувь нь дээд боловсролтой залуучууд байна.Шинээр 220 гаруй ажлын байр бий болсоны 68 барилгын салбарт, 46 боловсруулах үйлдвэрт, 22 боловсролын салбарт бий болсон байна. Цагдаагийн газрын мэдээгээр аймгийн хэмжээнд 153 гэмт хэрэг бүртгэгдсэн нь өнгөрсөн оны мөн үеийнхээс 1 (0.6%) –ээр буурсан байна.Нийт гарсан гэмт хэргийн 71 буюу 46.4 хувийг одоо ажиллагаанд байгаа хэрэг бүртгэлийн хэрэг эзэлж байна.Нийт гэмт хэргийн 28.1 хувийг бусад гэмт хэрэг 26.1 хувийг бусдын бие махбодод гэмтэл учруулсан гэмт хэрэг, 13.1 хувийг хулгай, 12.4 хувийг согтуугаар үйлдсэн гэмт хэрэг эзлэж байна.Оны эхнээс 557 хүн саатуулагдсан нь өнгөрсөн оны мөн үеийнхээс 75 (15.6%) -аар нэмэгдсэн байна. Гэмт хэргийн улмаас 568.6 сая төгрөгийн хохирол учруулсаны 44.6 хувийг төлүүлж барагдуулсан байна. Хэрэглээний бараа үйлчилгээний ерөнхий индекс 2019 оны 5 дугаар сарын байдлаар 2018 оны жилийн эцэстэй харьцуулахад 3.5 хувиар, өнгөрсөн оны мөн үетэй харьцуулахад 6.7 хувиар, өмнөх сартай харьцуулахад 1.4 хувиар тус тус өссөн байна.
Дэлгэрэнгүй

Хөдөлмөрийн аюулгүй байдал, эрүүл ахуйн сургалт

Нийтэлсэн: 2019 он 06 сар 10. 18 цаг 04 минут
Үйлдвэрлэлийн орчин нөхцөлийг сайжруулах, ажилтныг ажлын байран дахь осол, мэргэжлээс шалтгаалсан өвчлөл болон бусад эрсдэлд хүчин зүйлийн нөлөөллөөс хамгаалах, урьдчилан сэргийлэх, ХАБЭА-н үйл ажиллагааг хэрэгжүүлэхэд шаардлагатай дэвшилтэд технологийг нийтийн хүртээл болгох, төрийн үйлчилгээг иргэдэд түргэн шуурхай хүргэх зорилгоор Баян-Өлгий аймагт Төрийн болон аж ахуйн нэгж, байгууллагуудад зориулсан Хөдөлмөрийн аюулгүй байдал, эрүүл ахуйн сургалтыг Хөдөлмөр нийгмийн хамгааллын яам, аймгийн Засаг даргын Тамгын газар, Хөдөлмөр халамжийн үйлчилгээний газар, Ажил олгогч эздийн холбоо, Үйлдвэрчний эвлэл, Мэргэжлийн хяналтын газар, Нийгмийн даатгал, Мэргэжлийн сургалт үйлдвэрлэлийн төв зэрэг байгууллагууд хамтран зохион байгуулав. Сургалт зөвлөгөөнд аймгийн Засаг дарга А.Гылымхан, Засаг даргын орлогч, ХАБЭА-н салбар зөвлөлийн дарга Ш.Хавыл, Хөдөлмөр нийгмийн хамгааллын яамны ХАБЭА-н хэлтсийн дарга З.Бауыржан, МАОЭНХ-ны дэд ерөнхийлөгч Х.Ганбаатар, Монголын үйлдвэрчний эвлэлийн холбооны нарийн бичгийн дарга Г.Адъяа, МХЕГ-ын Хөдөлмөр нийгмийн хамгаалал, тусгай хяналтын газрын дарга Л.Төгсбаяр болон аймгийн нутгийн захиргааны байгууллагын удирдлагууд, ажилтан, алба хаагч нар болон статистикийн хэлтсийг төлөөлж дарга Н.Ерлан нар оролцов.
Дэлгэрэнгүй

7 хоногийн үнийн мэдээ,  
 Өлгий хотод
/2019 оны 12-р сарын 04-ний байдлаар/
Нэр төрөл Үнэ /төг/  
Гурил, I зэрэг, кг

1100

Хонины мах, кг 6500
Үхрийн мах, кг 6666
Ямааны ястай мах, кг

6000

Элсэн чихэр, кг 2200
Цагаан будаа, кг 2500
Шингэн сүү, л 2000
Ноолуур, кг 60000
Бензин, А-80 1840
Бензин, А-92 1930
Дизелийн түлш 2290
Боодолтой өвс 5500

  ХӨДӨӨ АЖ АХУЙ

  ХАӨМС