Нийгэм, эдийн засгийн байдлын танилцуулга

Нийтэлсэн: 2019 он 11 сар 14. 09 цаг 32 минут
2019 оны 10 дугаар сарын байдлаар 2518 эх амаржиж, амьд төрөлт 2533 болж өнгөрсөн оны мөн үеийнхээс 93 хүүхдээр буюу 3.8 хувиар нэмэгдсэн байна. Нялхсын эндэгдэл 50 болж, өмнөх оны мөн үеэс 6 хүүхдээр буюу 13.6 хувиар нэмэгдсэн байна. 1000 амьд төрөлтөд ногдох нялхсын эндэгдэл 20 байна. 1000 ногдох төрөлт 0.4 пунктээр, нас баралт 0.5 пунктээр өсч, хүн амын ердийн цэвэр өсөлт 0.1 пунктээр буурсан байна. Халдварт өвчнөөр 292 хүн өвчилсөн нь өнгөрсөн оныхоос 104 хүнээр буюу 55.3 хувиар өссөн байна. Халдварт өвчнөөр өвчлөгчдийн 31.2 хувийг заг хүйтэн, 11.6 хувийг тэмбүү, 7.9 хувийг трихомоноз, 12.0 хувийг сүрьеэ, 3.8 хувийг салхин цэцэг, 30.8 хувийг A,B гепатит, 0.7 хувийг тарваган тахал, 0.7 хувийг цусан суулга, 0.7 хувийг хачигт рикеттиоз, 0.3 хувийг нярайн үжил, 0.3 хувийг ёлом, өвчнөөр өвчлөгчид эзлэж байна. Хувийн хэвшлийн эмнэлгүүд 24292 хүнд 1068.2 сая төгрөгний төлбөртэй үйлчилгээ үзүүлсэн байна. Сумдын засаг даргын тамгын газар болон аймгийн хөдөлмөр, халамж үйлчилгээний газарт бүртгэлтэй ажилгүй иргэний тоо 1037 байгаа нь өнгөрсөн оны мөн үетэй харьцуулахад 44 хүнээр буюу 4.0 хувиар бага байна. Нийт бүртгэлтэй ажилгүйчүүдийн 46.2 хувийг эмэгтэйчүүд эзэлж байна. Ажилгүй иргэдийн 48.9 хувийг 15-34 насны залуучууд, үүний 17.8 хувь нь дээд боловсролтой залуучууд байна. Шинээр 836 гаруй ажлын байр бий болсны 39 барилгын салбарт, 65 худалдааны салбарт, 386 боловсруулах үйлдвэрт, 39 боловсролын салбарт бий болсон байна. Цагдаагийн газрын мэдээгээр эхний 10 сарын байдлаар аймгийн хэмжээнд 264 гэмт хэрэг бүртгэгдсэн нь өнгөрсөн оны мөн үеийнхээс 21 хэргээр буюу 7.4 хувиар буурсан байна. Нийт гарсан гэмт хэргийн 90 буюу 34.1 хувийг одоо ажиллагаанд байгаа хэрэг бүртгэлийн хэрэг эзэлж байна.
Дэлгэрэнгүй

Инфографик мэдээлэл

Нийтэлсэн: 2019 он 10 сар 23. 04 цаг 10 минут
Аймгийн эдийн засаг нийгмийн байдлын 2019 оны эхний 9 сарын статистикийн үзүүлэлтүүдийг сүүлийн 5 жилийн мөн үетэй харьцуулсан инфографик мэдээлэл бэлтгэж тархааж байна.
Дэлгэрэнгүй

Эрүүл мэндийн газраас дэлхийн алхалтын өдрийг зохион байгуулав.

Нийтэлсэн: 2019 он 10 сар 22. 08 цаг 34 минут
Дэлхийн алхалтын өдрийг тохиолдуулан аймгийн Эрүүл мэндийн газраас төрийн болон төрийн бус байгууллагуудыг оролцуулан "Эрүүл мэндийнхээ төлөө-алхангаа ярилцъя" уриан доор зохион байгуулсан явган алхалтад хэлтсийн албан хаагчид идэвхтэй оролцов.
Дэлгэрэнгүй

ТЭМЦЭЭН ЗОХИОН БАЙГУУЛЛАА.

Нийтэлсэн: 2019 он 10 сар 22. 07 цаг 25 минут
Монгол улсын статистикийн салбарын түүхт 95 жилийн ойн баярын хүрээнд сумдын статистикийн ажлыг хариуцдаг санхүү, төрийн сангийн мэргэжилтэн, багийн Засаг дарга нарын дунд ширээний теннис, гар бөмбөгийн тэмцээн зохион байгуулагдлаа. Уг тэмцээний зорилго нь статистикийн анхан шатны мэдээлэгч нар болон хэлтсийн албан хаагчдын чөлөөт цагийг зөв боловсон өнгөрүүлэх, албан хаагчдын дунд нийтийн биеийн тамир, спортыг хөгжүүлэх, хамт олны дунд эерэг, дулаан уур амьсгалыг бүрдүүлэхэд оршиж байгаа юм. Тэмцээнд нийт 40 гаруй албан хаагчид оролцож, авхаалж самбаагаа сорилоо. Гар бөмбөгийн тэмцээнээс: 1-р байр: Өлгий сумын багийн Засаг дарга нарын Сырлыбек ахлагчтай баг тамирчид 2-р байр: Статистикийн хэлтсийн Манзелхан ахлагчтай баг тамирчид 3-р байр: Бугат, Буянт сумын багийн Засаг дарга нарын Хадыс ахлагчтай баг тамирчид, Ширээний теннисийн тэмцээнээс /эрэгтэй/: 1-р байр: Өлгий сумын 3 дугаар багийн Засаг дарга Х.Космос, 2-р байр: Өлгий сумын 11 дүгээр багийн Засаг дарга Х.Маргулан, 3-р байр: Өлгий сумын статистикийн мэргэжилтэн Х.Туысхан, Ширээний теннисийн тэмцээнээс /эмэгтэй/: 1-р байр: Статистикийн хэлтсийн гэрээт ажилтан Х.Айгерим, 2-р байр: Статистикийн хэлтсийн судлаач А.Гүлсайраш, 3-р байр: Өлгий сумын 10 дугаар багийн Засаг даргын туслах М.Жайнар нар тус тус шалгарч, өргөмжлөл, медалиар шагнагдлаа.
Дэлгэрэнгүй

Хүн ам, өрхийн мэдээллийн санг сайжруулах зорилгоор зарласан сарын аяны ажил дүгнэх өдөр болж өндөрлөлөө.

Нийтэлсэн: 2019 он 10 сар 22. 07 цаг 21 минут
2020 оны Хүн ам, орон сууцны бэлтгэл ажлын хүрээнд сумдын статистикийн ажил хариуцсан санхүү, төрийн сангийн мэргэжилтэн болон 97 багийн Засаг дарга нарын дунд хүн ам, өрхийн мэдээллийн санг сайжруулах зорилгоор зарласан сарын аяны ажил дүгнэх өдөр болж өндөрлөлөө. Багийн засаг дарга нараас: 1-р байрыг Өлгий сумын 3-р багийн Засаг дарга Х.Космос 2-р байрыг Өлгий сумын 11-р багийн Засаг дарга Х.Маргулан 3-р байрыг Цэнгэл сумын 8-р багийн Засаг дарга Д.Ермек Тусгай байрыг Буянт сумын 2-р багийн Засаг дарга Е.Өмирбек нар тус тус эзлэв. Сумдын статистикийн асуудал хариуцсан санхүү, төрийн сангийн мэргэжилтэн дундаас: Тэргүүн байрыг Дэлүүн сумын С.Аманкелди Нэгдүгээр байрыг Буянт сумын Р.Самдан нар эзлэв. Та бүхний дараа дараагийн ажилд өндөр амжилт хүсье!
Дэлгэрэнгүй

Нээлттэй хаалганы өдөрлөг, статистикийн ойн арга хэмжээ

Нийтэлсэн: 2019 он 10 сар 22. 07 цаг 04 минут
Монгол улсад Статистикийн байгууллага үүсч хөгжсөний 95 жилийн ойн баярыг тохиолдуулан 2019 оны 10 дугаар сарын 18-ны өдөр нээлттэй хаалганы өдөрлөг зохион байгуулж, статистикийн хэлтсийн үйл ажиллагааг олон нийтэд сурталчлах, хэрэглэгчдэд статистикийн байгууллагын бүтээгдэхүүнийг таниулах, хэрэгцээт мэдээ, мэдээллээр хангах, хүн ам орон сууцны 2020 оны бэлтгэл хангах чиглэлд хийгдэж ажлуудыг танилцуулж, иргэдийн сонирхсон зүйлд хариулт өгөв.
Дэлгэрэнгүй

Хэвлэлийн бага хурал

Нийтэлсэн: 2019 он 10 сар 15. 10 цаг 28 минут
Аймгийн эдийн засаг, нийгмийн хөгжлийн 2019 оны 9 дүгээр сарын дүнг танилцуулахаар хэвлэлийн бага хурлыг 10 дугаар сарын 15-ны өдрийн 10.00 цагт орон нутгийн олон нийтийн радио телевизтэй хамтран зохион байгууллаа. Уг хуралд бэлтгэсэн перезентацийн дагуу аймгийн эдийн засаг, нийгмийн хөгжилд гарч буй өөрчлөлтийн талаарх мэдээллээр хэлтсийн мэргэжилтэн дэлгэрэнгүй мэдээлэл хийлээ.
Дэлгэрэнгүй

Бүх нийтээр мод тарих үндэсний өдөрлөгийн арга хэмжээ

Нийтэлсэн: 2019 он 10 сар 15. 10 цаг 11 минут
Монгол Улсын Ерөнхийлөгчийн зарлигаар жил бүрийн 5, 10 дугаар сарын хоёр дахь долоо хоногийн Бямба гаригийг “Бүх нийтээр мод тарих үндэсний өдөр” болгон, улс орон даяар тэмдэглэн өнгөрүүлдэг уламжлалтай. Энэхүү уламжлалын дагуу байгалийн унаган төрхийг хадгалах, ногоон байгууламжийг нэмэгдүүлэх, өсвөр үе, залуучуудад эх дэлхийгээ хайрлан хамгаалах, газар нутгаараа бахархах үзлийг төлөвшүүлэх зорилгоор Баян-Өлгий аймгийн Байгаль орчин, аялал жуулчлалын газараас “Бүх нийтээр мод тарих үндэсний өдөр”-ийг 2019 оны 10 дугаар сарын 12-ны өдрийн 10.00 цагт аймгийн хэмжээнд зохион байгуулж, хэлтсийн хамт олон бүрэн бүрэлдэхүүнээрээ очиж мод тарьлаа.
Дэлгэрэнгүй

7 хоногийн үнийн мэдээ,  
 Өлгий хотод
/2020 оны 7-р сарын 08-ны байдлаар/
Нэр төрөл Үнэ /төг/  
Гурил, I зэрэг, кг 1053.3
Хонины ястай мах, кг 8000
Үхрийн ястай мах, кг 8750
Ямааны ястай мах, кг 7250
Элсэн чихэр, кг 2250
Цагаан будаа, кг 2600
Шингэн сүү, л 1350
Ноолуур, кг 46333.3
Бензин, А-80 1466.6
Бензин, А-92 1540
Дизелийн түлш 1793.3
Боодолтой өвс  

САРЫН ТАНИЛЦУУЛГА

ИНФОГРАФИК

ДИНАМИК СУДАЛГАА

МЭДЭЭ ТАЙЛАНГИЙН МАЯГТ
 

  ХӨДӨӨ АЖ АХУЙ

ХАӨМС

МАЛ ТООЛЛОГО