Төрийн албан хаагчдын манлайллын сургалт

Нийтэлсэн: 2019 он 06 сар 10. 17 цаг 00 минут
Баян-Өлгий аймгийн төрийн захиргааны болон төрийн үйлчилгээний байгууллагуудын ажилтнуудад зориулсан манлайллын чадавхыг бэхжүүлэх 2 өдрийн сургалт тус аймагт зохион байгуулагдав. Уг сургалтыг аймгийн Засаг даргын Тамгын газар, Эрчим хүчний зохицуулах хороо, Удирдлагын академи хамтран зохион байгуулж, аймаг, сумын удирдлагууд, хэлтэс, агентлагийн дарга, боловсрол, эрүүл мэндийн байгууллагуудын удирдлагууд, ажилтан албан хаагч нараас бүрдсэн нийт 200 гаруй төлөөлөл хамрагдлаа. Сургалтын үеэр Удирдлагын академийн захирал, доктор профессор С.Зүльфикар болон тус академийн хүний нөөцийн удирдлагын тэнхимийн ахлах багш, докторант Ц.Энхмандах, хүний нөөцийн удирдлагын тэнхимийн эрхлэгч, доктор М.Баянмөнх, Аж үйлдвэрийн гавьяат ажилтан, Эрчим хүчний зохицуулах хорооны дарга, доктор А.Тилейхан, тус хорооны Захиргаа, удирдлагын газрын дарга М.Мөнхтулга, Монгол-Оросын хамтарсан гуравдугаар сургуулийн ажилтан нар хичээл зааж, сургалт амжилттай болж өндөрлөв. Уг сургалтад хэлтсийн дарга оролцов.
Дэлгэрэнгүй

Сумдын төрийн сангийн төлөөлөгч, багийн засаг дарга нарын сургалт

Нийтэлсэн: 2019 он 05 сар 28. 09 цаг 04 минут
Хүн ам орон сууцны 2020 оны тооллого, Байшин орон сууцны 2019 оны тооллого, Хагас жилийн мал тооллогын тухай болон Хүн ам өрхийн мэдээллийн санг сайжруулах чиглэлээр сумын төрийн сангийн төлөөлөгч нар болон аймгийн төвийн Өлгий сумын 13 багийн засаг дарга нарт сургалт зохион байгууллаа.Улсын чанартай дээрхи тооллого, түүвэр судалгааг хугацаанд нь чанартай сайн зохион байгуулж ажиллах талаар хэлтсийн ахлах мэргэжилтэн Х.Бахыт зааварчилгаа, арга зүйн зөвлөгөө, чиглэл өгч хамтран ажиллалаа.Хүн ам өрхийн мэдээллийн санг сайжруулах чиглэлээр санал солилцож хүн ам өрхийн бүртгэлийн дэвтэрийг үнэн зөв бөглөж хөтлөн цахим сантай туулгалт хийж баяжилтыг сайжруулах талаар зааварчилгаа өглөө.Хагас жилийн мал тооллогын маягтыг хэрхэн нөхөх талаар хариуцсан мэргэжилтэн Х.Аленхан мэдээлэл хийлээ.Салбар хариуцсан мэргэжилтэн Ш.Манзелхан, М.Дина нар өөрсдийн салбарын мэдээ, тайлан гаргахад анхаарах асуудлуудын талаар мэдээлэл хийж сонирхсон асуултанд хариулт өглөө.
Дэлгэрэнгүй

Хэвлэлийн бага хурал зохион байгууллаа.

Нийтэлсэн: 2019 он 05 сар 16. 04 цаг 36 минут
Аймгийн эдийн засаг, нийгмийн хөгжлийн 2019 оны 4 дүгээр сарын дүнг танилцуулахаар хэвлэлийн бага хурлыг 5 дугаар сарын 15-ны өдрийн 11.00 цагт даргын өрөөнд нутгийн "Дербес" телевизтэй хамтран зохион байгууллаа.Уг хуралд бэлтгэсэн перезентацийн дагуу аймгийн эдийн засаг, нийгмийн хөгжилд гарч буй өөрчлөлтийн талаарх мэдээллээр хэлтсийн дарга дэлгэрэнгүй мэдээлэл хийлээ.
Дэлгэрэнгүй

Нийгэм, эдийн засгийн байдлын танилцуулга

Нийтэлсэн: 2019 он 05 сар 15. 02 цаг 03 минут
Аймгийн хэмжээнд 4 дүгээр сарын байдлаар 959 эх амаржиж, амьд төрөлт 964 болж өнгөрсөн оны мөн үеийнхээс 9 хүүхдээр буурсан. Нялхсын эндэгдэл 26 болж, өнгөрсөн онтой харьцуулахад 4 хүүхэд буюу 18.2 хувиар нэмэгдсэн. 1000 амьд төрөлтөд ногдох нялхсын эндэгдэл 27 байна. Амбулаториор давхардсан тоогоор 127.4 мянган хүнд үзлэг хийгдэж, 11634 хүн хэвтэн эмчлүүлсэн. Халдварт өвчнөөр 110 хүн өвчилсөн нь өнгөрсөн оныхоос 10 хүнээр буюу 10.0 хувиараар өссөн байна.1000 хүнд ногдох төрөлт 9.2, нас баралт 2.0, ердийн цэвэр өсөлт 7.2 болж, өмнөх оны мөн үеэс 1000 ногдох төрөлт 0.3 пунктээр буурч, нас баралт 0.2 пунктээр нэмэгдсэн байна. Бүртгэлтэй ажилгүй иргэний тоо 1078 байгаа нь өнгөрсөн оны мөн үетэй харьцуулахад 173 хүнээр буюу 19.1 хувиар нэмэгдсэн байна. 134 гэмт хэрэг бүртгэгдсэн нь өнгөрсөн оны мөн үеийнхээс 3 гэмт хэргээр буюу 2.2 хувиар буурсан байна. Нийт гарсан гэмт хэргийн 76 буюу 56.7 хувийг одоо мөрдөн байцаалтын ажиллагаанд байгаа хэрэг бүртгэлийн хэрэг эзэлж байна. Хэрэглээний бараа үйлчилгээний ерөнхий индекс 2018 оны жилийн эцэстэй харьцуулахад 2.1 хувиар, өнгөрсөн оны мөн үетэй харьцуулахад 6.1 хувиар тус тус өссөн байна. Барааны бүлгээр авч үзэхэд хамгийн өндөр өсөлтийг хүнсний бараа, согтууруулах бус ундааны төрөл 9.6 хувьтай гарсан байна. 37164 толгой том мал зүй бусаар хорогдсон нь өмнөх оны мөн үеийнхээс 3960 толгой буюу 11.9 хувиар нэмэгдсэн байна. Оны эхний хээлтэгч малын 75.9 хувь төллөж төл бойжилт 95.7 хувьтай байна.Төллөсөн хээлтэгчийн тоо өмнөх мөн үеийнхээс 45350 толгой буюу 7.0 хувиар их байна. 9.1 тэрбум төгрөгийн аж үйлдвэрийн бүтээгдэхүүн үйлдвэрлэж 9.3 тэрбум төгрөгийн бүтээгдэхүүн борлуулсан байна.Төсвийн нийт орлогын төлөвлөгөө 113.9 хувиар, үүнээс төвлөрсөн төсвийн татварын орлого 126.4 хувиар, хүн амын орлого 104.1 хувиар, нийтлэг татварын бус орлого 2.2 дахин биелэгдэж, хөрөнгийн албан татвар 79.9 хувиар, бусад татвар, төлбөр хураамж 78.8 хувиар, газрын төлбөр 98.2 хувиар биелэгдсэн байна.
Дэлгэрэнгүй

Сургалтын тухай мэдээлэл

Нийтэлсэн: 2019 он 04 сар 22. 01 цаг 46 минут
НҮБ-ын Ази, Номхон далайн Статистикийн институт /АНДОСИ-UNSIAP/-ээс “Албан ёсны статистик ба Тогтвортой хөгжлийн зорилго” сэдэвт нээлттэй цахим сургалтыг зарлаж байна. Сургалтын хугацаа: 2019 оны 5 дугаар сарын 01-нээс 31-ний өдрүүд Сургалтад оролцогч нь: 1. Албан ёсны статистикийн үйл ажиллагаа эрхэлдэг байгууллагын анхан шатны нэгжийн ажилтан 2. Статистикийн мэдээллийн хэрэглэгч 3. Статистикийн онол, аргыг сонирхож байгаа хүмүүс 4. Статистикийн онолын мэдлэггүй хүмүүс ч хамрагдах боломжтой юм. Сургалтад ашиглах материал Энэ сургалт нь олон улсын статистикийн стандарт, улс орны үндэсний статистикийн байгууллагуудын бодит кейс судалгаан дээр үндэслэсэн, эх сурвалж дээр тулгуурладаг. Тогтвортой хөгжлийн зорилтуудын статистикийн мэдээллийн санг танилцуулах жишиг баримт бичгийг энэ сургалтын хавсралт болгон оруулсан. Сургалтын ач холбогдол: • Албан ёсны статистикийн суурь мэдлэгтэй болж, үүнийг баталсан гэрчилгээг олгоно. • Тогтвортой хөгжлийн зорилгын шалгуур үзүүлэлтүүдийг тооцох, хянах, талаар ойлголт, туршлагатай болно. Сертификат буюу гэрчилгээ олгох: Шалгалт нийт 45 минут үргэлжилнэ. Суралцагчид шалгалтыг 3 удаа өгч, оноогоо ахиулж болно. Бүх хичээлийг судалсны дараа тестээр шалгалт өгч 80% ба түүнээс дээш үнэлгээ авсан тохиолдолд НҮБ-ын АНДОСИ-ийн албан ёсны гэрчилгээг авна.
Дэлгэрэнгүй

Хэвлэлийн бага хурал зохион байгууллаа.

Нийтэлсэн: 2019 он 04 сар 15. 07 цаг 13 минут
Аймгийн эдийн засаг, нийгмийн хөгжлийн 2019 оны 3 сарын дүнг танилцуулахаар хэвлэлийн бага хурлыг 4 дүгээр сарын 15-ны өдрийн 10.00 цагт аймгийн Засаг даргын хурлын танхимд орон нутгийн “Саян” болон "Дербес" телевизүүдтэй хамтран зохион байгууллаа.Уг хуралд бэлтгэсэн перезентацийн дагуу аймгийн эдийн засаг, нийгмийн хөгжилд гарч буй өөрчлөлтийн талаарх мэдээллээр хэлтсийн дарга дэлгэрэнгүй мэдээлэл хийлээ.Хэвлэлийн бага хуралд "Дербес" телевизийн төлөөлөл, эрүүл мэнд, боловсролын салбарын ажилтнууд оролцлоо.
Дэлгэрэнгүй

Нийгэм, эдийн засгийн байдлын танилцуулга

Нийтэлсэн: 2019 он 04 сар 11. 02 цаг 41 минут
Аймгийн хэмжээнд 3 дугаар сарын байдлаар 715 эх амаржиж, амьд төрөлт 718 болж өнгөрсөн оны мөн үеийнхээс 18 хүүхдээр нэмэгдсэн байна.Нялхсын эндэгдэл 20 болж, өнгөрсөн онтой харьцуулахад 1 хүүхдээр буурсан байна.1000 амьд төрөлтөд ногдох нялхсын эндэгдэл 28 байна.Амбулаториор давхардсан тоогоор 93.7 мянган хүнд үзлэг хийгдэж, 8901 хүн хэвтэн эмчлүүлсэн байна. Халдварт өвчнөөр 87 хүн өвчилсөн нь өнгөрсөн оныхоос 10.1 хувь буюу 8 хүнээр нэмэгдсэн байна.Ажиллах хүчний судалгааны 2018 оны жилийн эцсийн үр дүнгээр ажил, хөдөлмөр эрхлээгүй, ажил идэвхтэй хайж буй 7014 ажилгүй иргэн байгаагийн нэг хэсэг нь тогтмол сумдын засаг даргын тамгын газар болон аймгийн хөдөлмөр, халамж үйлчилгээний газарт бүртгэлтэй байдаг ба уг ажилгүй иргэний тоо 3-р сарын байдлаар 979 болж өнгөрсөн оны мөн үеэс 84 хүнээр буюу 7.9 хувиар бага байна.Аймгийн ажилгүйдлийн түвшин 12.6 хувь байгаа нь улсын дундажаас дээгүүр байна. Цагдаагийн газрын мэдээгээр аймгийн хэмжээнд 128 гэмт хэрэг бүртгэгдсэн нь өнгөрсөн оны мөн үеийнхээс 16.4 хувиар өссөн байна.Нийт гарсан гэмт хэргийн 36 буюу 72.6 хувь нь илрээгүй хэрэг эзэлж байна.Хүн амын өргөн хэрэглээний бараа бүтээгдэхүүн, үйлчилгээний ерөнхий индекс 2018 оны жилийн эцэстэй харьцуулахад 1.5 хувиар, өнгөрсөн оны мөн үетэй харьцуулахад 6.1 хувиар тус тус өссөн байна.33104 толгой том мал зүй бус хорогдсон нь өмнөх оны мөн үеийнхээс 14049 толгой буюу 73.8 хувиар нэмэгдсэн байна.Оны эхний хээлтэгч малын 30.94 хувь төллөж төл бойжилт 97.14 хувьтай байна.Төсвийн нийт орлогын төлөвлөгөө 114.6 хувиар, үүнээс төвлөрсөн төсвийн татварын орлого 134.4 хувиар, хүн амын орлого 102.4 хувиар, нийтлэг татварын бус орлого 2.0 дахин биелэгдэж, бусад татвар, төлбөр хураамж 78.1 хувиар, хөрөнгийн албан татвар 62.5 хувиар биелэгдсэн байна.
Дэлгэрэнгүй

Олон улсын зурагт хуудасны уралдаан

Нийтэлсэн: 2019 он 03 сар 25. 04 цаг 35 минут
Олон Улсын Статистикийн боловсролын төслөөс 2019 оны олон улсын зурагт хуудасны уралдааныг зарлаж байна. СЭДЭВ: Статистик тоон мэдээллийг харуулсан постер буюу зурагт хуудасны уралдаан ЗОХИОН БАЙГУУЛАГЧ: ҮНДЭСНИЙ СТАТИСТИКИЙН ХОРОО ХАМРАХ ХҮРЭЭ: Дараах 3 ангиллаар оролцоно Их дээд сургуулийн бакалаврын эсвэл коллежийн оюутан Дунд сургуулийн сурагчид (2000-2003 онд төрсөн сурагчид) Дунд сургуулийн сурагчид (2003 оноос хойш төрсөн сурагчид) 2-5 хүнээс бүрдсэн баг болж оролцох бөгөөд ганц хүний бүтээлийг хүлээж авахгүй.
Дэлгэрэнгүй

7 хоногийн үнийн мэдээ,  
 Өлгий хотод
/2019 оны 12-р сарын 04-ний байдлаар/
Нэр төрөл Үнэ /төг/  
Гурил, I зэрэг, кг

1100

Хонины мах, кг 6500
Үхрийн мах, кг 6666
Ямааны ястай мах, кг

6000

Элсэн чихэр, кг 2200
Цагаан будаа, кг 2500
Шингэн сүү, л 2000
Ноолуур, кг 60000
Бензин, А-80 1840
Бензин, А-92 1930
Дизелийн түлш 2290
Боодолтой өвс 5500

  ХӨДӨӨ АЖ АХУЙ

  ХАӨМС