Баян-Өлгий аймгийн нийгэм эдийн засгийн 2017 оны 02 сарын танилцуулга гарлаа.

Нийтэлсэн: 2017 он 03 сар 15. 16 цаг 32 минут

2017 оны хоёрдугаар сарын байдлаар 433 эх амаржиж,  амьд төрөлт 437 болж өнгөрсөн оны мөн үеийнхээс 13 хүүхдээр бага байна.Нялхсын эндэгдэл 9 болж, өнгөрсөн онтой харьцуулахад 11 хүүхдээр буурсан байна.1000 амьд төрөлтөд ногдох нялхсын эндэгдэл 21 байна.Амбулаториор давхардсан тоогоор 62.1 мянган хүнд үзлэг хийгдэж, 5712 хүн хэвтэн эмчлүүлсэн байна. Халдварт өвчнөөр 55 хүн өвчилж өнгөрсөн оныхоос 84.4 хувь буюу 297 хүнээр буурсан.Сумдын засаг даргын тамгын газар болон аймгийн хөдөлмөрийн хэлтэст бүртгэлтэй ажилгүйчүүдийн тоо 2-р сард 1216 болж өнгөрсөн оны мөн үеэс 142 хүнээр буюу 13.2 хувиар өссөн байна.Нийт ажилгүйчүүдийн 45.7 хувийг эмэгтэйчүүд эзэлж байна.Ажилгүй иргэдийн 53.5 хувийг 15-34 насны залуучууд, үүний 26.9 хувийг дээд боловсролтой залуучууд эзэлж байна.Оны эхнээс 83 хүний ажлын байрны захиалга ирсэнээс 64 хүн зуучлагдаж ажилд орсон байна.Эхний 2 сард 58 гэмт хэрэг бүртгэгдсэн нь өнгөрсөн оны мөн үеийнхээс 20.8 хувиар өссөн байна. Нийт гэмт хэргийн 43.1 хувийг бусдын бие махбодод гэмтэл учруулсан гэмт хэрэг, 37.9 хувийг хулгай, 12.1 хувийг бусад гэмт хэрэг эзэлж байна.Өргөн хэрэглээний бараа үйлчилгээний ерөнхий индекс 2017 оны 2 дугаар сарын байдлаар жилийн эцэстэй харьцуулахад 1.1 хувиар, өмнөх оны мөн үетэй харьцуулахад 2.8 хувиар өсч, 6975 толгой том мал зүй бусаар хорогдож, 1774.9 сая.төгрөгийн аж үйлдвэрийн бүтээгдэхүүн үйлдвэрлэсэн нь  өнгөрсөн оны мөн үетэй харьцуулахад 11.8 хувиар, борлуулалтын хэмжээ 11.9 хувиар тус тус буурсан  байна.Төсвийн орлогын төлөвлөгөө 15.9 хувиар тасалдсан байна.Төсвийн нийт орлого өнгөрсөн оны мөн үеийнхээс 20.9 хувиар нэмэгдэж, 2015 оны мөн үеэс 12.6 хувиар багассан байна.Зээлийн өөрийн үлдэгдэл 109735.2 сая төгрөг байгаа нь өмнөх оны мөн үеийнхээс 5.1 хувиар өссөн байна.Хугацаа хэтэрсэн зээл 2624.3 сая төгрөг, чанаргүй зээл 1917.7 сая төгрөг болж, зээлийн өрийн үлдэгдэлд чанаргүй зээлийн эзлэх хувь 1.7 хувь, хугацаа хэтэрсэн зээлийн эзлэх хувь 2.4 хувьтай байна.


Сэтгэгдэл бичих
7 хоногийн үнийн мэдээ, Өлгий хотод
/2018 оны 4-р сарын 18-ны байдлаар/
Нэр төрөл Үнэ /төг/
Гурил, I зэрэг, кг 1000
Хонины мах, кг 6000
Үхрийн мах, кг 5750
Ямааны ястай мах, кг 4750
Элсэн чихэр, кг 2233
Цагаан будаа, кг 2433
Шингэн сүү, л 2433
Ноолуур, кг 70000
Бензин, А-80 1640
Бензин, А-92 1783
Дизелийн түлш 1911